我對阿叻的「正能量論」真的不感認同，原來開電視等於「正能量」？懷著「正能量」心態長開電視我不如打機好過。TVB 多年來故步自封，眼看比鄰的日本、韓國電視節目質素遠遠超越香港水平。我反而覺得熄電視才是「正能量」，向白痴節目說不，當然如果大家是與家人同住，爸爸媽媽要開電視解悶，慣性收視就是這樣產生。如果好似阿叻所說 TVB 劇集質素高 (連佢自己都冇睇)，我覺不是「正能量」而是「是旦能量」，阿Q 精視，是是旦旦得過且過。
阿叻，等我話你知甚麼是「正能量」
TVB 的劇集無論甚麼題材都有錯綜複雜的愛情線
是旦能量 : 唔緊要啦，免費節目，要求不要太高，求其有人讀下對白咪算囉
正能量 : 不好看，好悶，偏離主題，拍拖多過查案/醫病
十幾年長壽節目「獎門人」
是旦能量 : 唔緊要啦，免費節目，笑下就算啦
正能量 : 不好看，冇新意，炒 runningman 又唔認，送百萬贊助褿物當係碎銀
植入式廣告食雞汁上腦
是旦能量 : 唔緊要啦，免費節目，都完都唔會學啦，不用咁認真
正能量 : 不好看，為左錢連沙律都落雞汁，沒有理會觀眾感受
各式各樣籌款Show
是旦能量 : 唔緊要啦，免費節目，當聽下歌囉
正能量 : 不好看，全台藝員卡拉 OK 表演，唱首唱又話十萬，籌到的錢有百幾萬入返 TVB 袋
阿叻台慶踢了幾下波
是旦能量 : 唔緊要啦，免費節目，佢話練得很辛苦咪睇下囉
正能量 : 一早知佢吹水啦，佢話練得很辛苦連台慶劇都冇睇就知佢口是心非啦，唔通會食碳咩
不是針對 TVB，以事讑事，有新競爭先會有好節目，沒有競爭只會飬成是是旦旦的 TVB，HKTV 是所有市民都期待的新衝擊，對香港電視工業發展絕對有幫助，希望香港電視節目可以回復惜日光輝，亞洲不只是得日韓節目。
