當初成堆人喺條街捉小精靈嘅景像，依家已經幾乎見唔到，熱潮過咗之後，已經少咗好多人玩《Pokémon Go》啦，根據 Think Gaming 嘅統計數字，少咗超過 90% 玩家啊！由之前高峰期 7 月至 11 月，每日有 160 萬活躍玩家，跌到依家剩返 14.8 萬！之但係！流失咗一班湊熱鬧嘅玩家之後，剩低嘅都係寵物大師！
而事實上，上年 7 月至 11 月時候玩家玩《Pokémon Go》嘅高峰期，平均每分鐘嘅收入約 1,003 港元（100 英鎊），但依家其實都只係跌到約 776 港元（77.39 英鎊），只係跌 23 %，仍然係賺緊大錢！
↓ 下低係截至 2017 年 6 月 4 日《Pokémon Go》喺美國地區嘅收入估計（Think Gaming 數據）
然後，大家估唔估到收入最高嘅手機遊戲係邊隻？係《Candy Crush Saga》啊！每分鐘收入約 1163 港元（116 英磅）！真係 Game 唔怕舊，最緊要受！