2013 年發售嘅遊戲，當時喺 PS3 / Xbox 360 / PC 推出，累積咗 320 萬銷售量，為咗迎接 5 週年，將決定係今年嘅秋季推出高清重製版，會喺 PS4 / Xbox One / PC 發行，而且支援繁體中文版！
遊戲類型係開放世界嘅動作遊戲，故事講述玩家作為覺醒者復活，誓要報仇，打倒食咗玩家心臟嘅巨龍，本身只係一個平凡嘅漁村村民嘅主角，於是就咁展開咗冒險。角色有九種職業可以選擇、而且都有種類豐富嘅魔物。
遊戲製作人「小林裕幸」亦都任職過著名動作遊戲系列《Devil May Cry》同《Biohazard》嘅製作人，所以遊戲嘅戰鬥系統同埋動作表現都相當唔錯。高解像度重製加中文版，鍾意開放世界動作類型嘅遊戲，而之前又未玩過嘅朋友，都幾值得一試。
