終於都有 4 人合作模式啦！上一集喺 2013 年 Xbox 360 同 PC 平台發行嘅《State of Decay》除咗一般打喪屍之外，大家仲要自己搜集資源同埋起設施嘅玩法，都受到唔少玩家嘅喜愛。雖然入面有人同你一齊打喪屍，但只係電腦 AI，係有啲唔過癮。但嚟到新一集，一加加到可以 4 人合作！非常令人期待！遊戲將會喺 2018 年 Xbox One 同 Window 10 PC 平台上推出。
↓ 又嚟睇片先（注意，內含血腥畫面）
↓ 終於唔係單機，可以幾個朋友一齊殺喪屍啦！
↓ 同都係一班人一齊殺喪屍嘅《Left 4 Dead》唔一樣，《Left 4 Dead》基本上係齋打，但呢隻遊戲仲要玩家搵資源，起設施咁。
↓ 喺廢墟入面探索充滿緊張感，唔知幾時會彈隻喪屍出嚟
↓ 最後真係想問，點解呢個女仔笑得咁古惑嘅，同條片嘅氛圍唔多夾，唔通係因為收咗一堆兵太開心，忍唔住笑咗出嚟！？
