《Super Mario Odyssey》喺 E3 到俾大家睇咗段宣傳都好似唔錯，幾好玩咁，而且仲有雙人合作模式！但最近公開嘅雙人合作模式就令人失望！2P 玩家你連人都唔係啊！你只係 Mario 頂魔法帽 Cappy！而且 Cappy 仲要係無敵！咁仲有咩難度！！！唔，咁當然其實都好講合作嘅，睇示範條片，因為有時 2P 需要作為踏台俾 Mario 跳去更遠嘅地方，1P 過唔過到關真係全在 2P 嘅掌握。
↓ 雙打實機示範
↓ 可以見到本地聯機嘅話，畫面只會跟住 Mario，2P 頂帽飛咗出畫面外就只會用圖示表示大概位置，唔知道如果係網絡聯機玩，2P 畫面係唔係跟返頂帽呢
↓ 一啲比較遠嘅地方就需要用頂帽做踏台，2P 唔好突然間走咗去玩 1P 啊（睇嚟又係考驗 1P 人品嘅時候）
雖然大家無得派綠帽，但係 2P 無敵呢一點，又可以吸引一啲唔擅長遊戲嘅朋友可以無壓力咁玩，一齊享受打機嘅樂趣。