根據 Sony 嘅資料，PS 玩家平均 1 個星期就用咗 260 億分鐘玩遊戲，即係 1 個星期用咗 49,467.3 年，差唔多成 5 萬年！但其實 PS 玩家大概有成 6 千萬，除返開其實一個星期用咗 7 個小時，其實都只係每日 1 個小時。
雖然官方暫時都未肯公佈 PS4 Pro 嘅銷售數字，不過就話自上年 11 月開賣以來，每 5 部 PS4 主機就有一部係 Pro。而係 6 千萬嘅 PS 玩家入面，有 2640 萬都係付費嘅 PS Plus 會員，即係當香港一個月 PS Plus 嘅會費係 38$ 嚟講，PS 每個月都有 10 億嘅收入。
有咁多玩家，所以 Sony 都好樂意係 PS 上面投資研發 VR，不過仍然都有缺貨問題。
不過唔計打機，PS 都有好多用途，例如睇 Blue-Ray，而且，其實都好多人用 PS 睇 Netflix （網絡電視台）。小編我有時都會開嚟係大電視到睇 Youtube。所以話，PS 是好物 XDDD