《Devil May Cry 5》3月8日就推出啦，相信大家都好期待呢款遊戲啦，始終相隔左咁多年先出續作，希望今次嘅遊戲唔會做到好似外傳咁就好啦。
不過近日製作人伊津野英昭接受外國媒體訪問嘅時候表示其實當初製作《Devil May Cry 4》嘅時候，攞到個經費同製作3代時差唔多。所以去到開發後期就遇上經費不足嘅情況，結果令到遊戲後期只能夠利用遊戲前期嘅地圖。玩家們當年就變左先操縱尼祿跑一次地圖，然後變操縱但丁調轉由尾跑返去開頭，可能有玩家都會覺得奇怪啦。好彩當年嘅遊戲都好玩，所以重用嘅事就當睇唔到啦！
