《Gundam Breaker 》都出了一段日子，其實第 2、3 集於故事、戰鬥同合成系統上都有好大分別，我就分了十點同大家簡介一下。
1. 故事方面
↓ 2 代遊戲背景係戰場上，雖然係比較熱血，但始終玩緊高達模型，令到玩家代入感降低唔少。
↓ 3 代就設定成似《Gundam Build fighters》一樣，需要打比賽進級，有睇 GBF 應該有共鳴。
2. 任務大廳外觀
↓ 1、2代比賽會場非常暗，而且會見到遠方有觀眾的背景。
↓ 第 3 代變成比較似整備室，相對光猛嘅場景，還可以升高一層，以唔同嘅角度觀賞，呢個設計真係幾好。
3. 任務選擇畫面
↓ 因為《GB2》遊戲設定為戰爭背景，所以需面選擇不同地區打據點。
↓《GB3》就變成參加不同嘅分組賽事進行比賽。
4. 非故事任務
↓ 《GB2》時嘅 Gundam cafe 和 hobby shop 版圖
↓《GB3》就被取代成 Bounty Hunter 及 Challenger 模式，可以取得高級部件同資金。
5. 技能描述
3 代最失敗嘅地方就係合成方面嘅技能描述。喺 2 代時就如圖所示，除咗有技能名，仲有技能解釋；而 3 代發售當日，就立即喺官方網頁刊登技能解釋的 PDF檔案，如果玩家有需要可以下載查閱。是問有邊個玩家會睇住份 PDF 打機？而且 1.02 UPDATE 都只不過是 Fix Bug 而冇增加技能解釋，完全影響遊戲體驗。
6. Option 技
《GB3》喺技能系統上有好大改進，將 Option 技改成以十字制已經可以操作， 雖然可裝備技能少左 4 個，不過 8 個技能已經好夠用喇。《GB2》用 R3 來選揀技能是不分不便。
7. Builders Parts
除左大家可以按喜好裝配唔同嘅部件外，今集仲有 Builders Parts ，只要喺商店買左，就可以裝到身上，除左有裝飾作用，仲可以加能力值或者是作為附加武裝使用。
8. BB 戰士
《GB3》仲新增左 BB 戰士作為輔助機參與戰鬥，可以幫助攻擊或者補血，甚至可以令稀有道具出現率上升。不過玩家就唔可以控制 BB 戰士上戰場喇。
9. 合成系統
↓《GB2》需要打晶片去開發武器
↓《GB3》取而代之嘅係以部件之間合成，取得新嘅部件。
10. Action 技能
每個技能都有熟練度，當熟練度全滿後，就可以無視所需武器種類裝備，例如就算使用鐳射步槍都可以使出火箭炮嘅技能。
睇完以上十個《Gundam Breaker 》2、3 代嘅分別後，大家會唔會入手《Gundam Breaker 3》一齊玩呢？
