外國有位人兄叫 EdsJunk 諗到條發達財路，就係改裝 PS4 連住個 Mon 去賣，結果接單接到手軟，最近佢就終於都做埋 slim 版，並喺 2 月 8 日宣佈開始接受訂單。
機身配用 19″ LCD，真係拎上床慢慢打都仲得呀！而且仍然保留左 HDMI ouput，依然可以駁返落大電視到玩，110/220v，香港都啱用。
但係呢，個售價就真係唔平，差唔多要成 HKD 11,600 (USD 1,495 ) 。但睇佢網站，似乎都不斷有人同佢落訂單。
仲有一點就係，大家可以要求係部機上加上自己獨有嘅外觀，仲可以要求更靚嘅主題 (視乎情況要加錢)！
↑ 一睇就知係星戰迷要求訂造！
不過 EdsJunk 就話，都無乜邊部 19″ Mon 係支援1080p，所以佢最高只係支援720p。當然保留咗 HDMI output 仍然可以出大 mon，作為 PS4 Slim 佢本身嘅功能係全部都喺度。
其實 Sony 好耐之前都有出過類似的產物，大家有冇印象呢?
↓ 仲有啲係Xbox One嘅改裝，相信呢個訂做嘅機迷係冰上曲棍球員，真係好正！
小編我有個外號叫長期糧尾，所以以下條訂購 link 就留俾大家啦!
Edsjunk 嘅網：http://www.playbook4.com/