雖然係同一隻遊戲，但因應 PS4 同 3DS 呢兩個性能相差非常之大嘅平台，Square Enix 並唔係將遊戲畫面調整去配合主機，相反係配合返主機而設計。可以睇到 PS4 係寫實風格，而 3DS 就係行可愛風格。
先睇下 3DS 版本嘅片段，一方面上面嘅主畫面有 3D Mode，下畫面就係 2D Mode 表達，方便玩家睇身處嘅地理位置，因為 3D Mode 視距較近，比較難睇到遠嘅地方。↓↓↓
另外玩家都可以選擇用 2D Mode 進行遊戲，咁上畫面就會係 2D Mode 啦，下畫面就會係世界地圖、簡易地圖咁；而戰鬥嘅時候就會顯示角色嘅生命值等等。↓↓↓
跟住落嚟就係 PS4 嘅實機展示畫面，畫面當然精緻好多，而且並唔係好似 3DS 咁用 3 頭身嘅人物，就咁睇畫面，真係唔知原來係同一個時間推出嘅遊戲！都算 Square Enix 幾有心思！↓↓↓
兩種風格相差咁遠，真係有啲令人想買晒佢！