唔少人都幾期待嘅 Nintendo Switch 遊戲《Splatoon 2》7 月 21 日就會推出，廠商配合遊戲推出咗一個 Headset，個款就同入面男仔角色用嘅 Headset 係同一款，可以同時聽到遊戲音效同埋語音通話。但係呢，礙於 Nintendo Switch 嘅機能，要做到呢樣野，都有少少麻煩，需要嘅裝置都幾多下。價格約 243 港元（3,480日元）。
↓ 首先睇下個 Headset 其實係幾型嘅
但係！！！跟住落嚟件事真係有啲蠢！又話 Nintendo Switch 拎得出街四圍去係方便，但呢個 Headset 竟然唔係直接插落主機到，而係另外需要兩個裝置！
無錯！首先需要嘅係一部手機作為連接語言通訊設備，之後就要將部主機同手機連接去一個接駁器（放心，呢個係跟耳機有），然後再駁埋個 Headset！真係太聰明啦！唔知各位玩家又點睇呢個設計呢？