開放世界 MMORPG 手遊《天涯明月刀 M》喺今日正式釋出全新「星月幻境」版本。在新版本中，玩家可以深入移花幻境體驗全新主線劇情、亦能夠挑戰「星月群島話本」副本王，試試自己嘅實力。而對手亦不再僅限於伺服器內嘅幫會，隨著跨服幫戰嘅開啟，玩家將可以帶領幫會迎戰跨服嘅強敵！而全新推出嘅「時裝染色系統」亦能夠俾玩家可以隨心所欲咁設計出獨一無二嘅服飾！此外，官方亦會送出「豬小瑤配飾」等豐富好禮同玩家一齊慶祝《天涯明月刀 M》上線後首次改版嘅登場，只要而家登入遊戲就可以免費領取！
為隆重其事，官方更特意邀請香港KOL【達哥】為《天涯明月刀M》遊戲主題曲《明月天涯》重新改編，並獻唱廣東話版本， 粉絲玩家可再次感受達哥的獨特個人聲線！而較早之前達哥亦有在其FB專頁分享《天涯明月刀M》遊戲資訊與一眾玩家互動，今次【達哥】再次獻唱手遊主題曲，相信各位粉絲都十分期待再次聽到達哥獨特歌唱風格，咁就記得撳入連結聽下達哥嘅演繹！
今次隨住改版，由玩家扮演嘅主角將會喺「第七章－真相」嘅主線劇情中同沈孤鴻、唐青楓兩位盟主一齊進入移花幻境，展開全新嘅多分支、多結局嘅探索。每一次嘅選擇，都意味住走向不同嘅分支，並導向9個不同嘅子結局同2個大結局。如果喺玩家透過「逆天改命」解鎖哂所有嘅結局，仲可以領取「全新外觀」等多項獎勵！
同時，全新嘅副本「星月群島話本」亦會喺今次改版同步開放，面對曾呼風喚雨嘅「天龍號船長」軒轅不輸、出塵拔俗嘅「幻海宗主」沈醉花、移花掌門族弟「耽花少年」子桑飲玉等多位實力高強嘅首領，考驗玩家嘅走位、輸出同合作技巧，擊敗話本首領就可以獲得絕品首飾、神品首飾打造材料同劇情奇遇道具等獎勵。
喺《天涯明月刀 M》開服至今嘅一個月中，江湖上已經誕生咗多個赫赫有名嘅幫會，佢哋有啲已經主宰咗戰場、有啲正以勢不可擋嘅氣勢迎頭趕上。如今，隨著跨服幫戰「幫派聯賽」喺新版本中登場，強者嘅排序好可能將會重新洗牌！玩家將可以喺幫派聯賽中同幫會成員一齊團結迎戰來自其他伺服器嘅強敵，究竟邊個幫派可以橫掃所有伺服器，奪得第一，就等我哋拭目以待！
《天涯明月刀 M》最大嘅特色就係可以隨心所欲，活出自己想要嘅天涯。如果玩家厭倦咗打打殺殺、爭戰武林，亦歡迎體驗新版本推出嘅「時裝染色系統」，將已獲得嘅時裝隨心所欲咁染上自己喜歡嘅顏色，更可以自行搭配不同布料同金屬嘅配色，打造屬於自己獨一無二嘅服飾，行上街就唔再會出現撞衫咁尷尬！
除咗上述介紹嘅改版內容之外，「曲無憶天命」、「天波府與魔蹤現世新關卡」、「全新奇遇」、「唐青楓與沈孤鴻好感度」同「茶話會系統」亦都會隨住今次改版一齊開放，豐富嘅內容，等緊各位玩家即刻加入體驗！
